Goreyê xebera Rûdawî ra, pêşmergeyan başûrê rojhelatî yê Mûsilî de rastê hêrişê çeteyanê terorîstanê “Dewleta Îslamî” (DÎ) bîyê.
Vatena fermandarêde pêşmergeyan ra gore, “DÎ dewa Wardakî yê cebheyê Xazirî de hêrişêde çetin ê pêşmergeyan kerd. Ma bi saetan pêro da. Dima, teyarayê koalîsyonî ameyî û ma hêriş peyser eşt. Xeylê çeteyî ameyî kiştene. Înan panc cendegî tepîya verdayî.”
Melumatan ra gore çeteyan dozeran xebitnenê ke sîperanê pêşmergeyan birijnê. Hêrişê hewayî ra dima çeteyî mecbur mendî ke wasîtayanê xo caverdê. Cebheyê Xazirî cayêde muhîm o, çike uca raya serekîye mabênê Hewlêr û Duhokî vîyarena.
