Xebera keyepelê Zazakî.net ra gore 04.11.2010 de Dîyarbekirî de “Komela Ziwan, Huner û Kulturî” (Ziwan-Kom) kombîyayaîşê xo yê asayî saz kerd. Na komele emser hamnan de hetê tayê kurdperweran ra ameybî ronayene û armancê xoyo tewr muhîmî raverberdena kirmanckî (zazakî) yo. Naye de karê huner, edebîyat, zon (ziwan) û aktîveteyê kulturî do bêrê viraştene. Yeno vatene ke komele hetê sîyaset ra terefgir nîya û tena seba nê hedefanê corênan ra gureyena.
No kombîyayîş de program û çarçewaya komele amey îzeh kerdene, tede kî nuştox Roşan Lezgîn hedefê aktuelkerdişê kirmanckî ser o qisey kerd. Ame dayene zayene ke do serrêna aşma çeleyî de kongreya juyin (yewin) a Ziwan-Komî bêro viraştene. Endamanê komele ra tayê kî nê yê: Roşan Lezgîn, Bîlal Zîlan, Ehmedê Dirihî û Seîd Aydogmuş.
