Seke şîrketê çîynermanê komputure Microsoftî Munîh de da zanayene, programê xo yê ofîsan “MS Office 2010” vejîya pîyase. Programî nika 10 ziwan (zon) û 240 welatan de roşîno. Tede programê Word, Excel, Powerpoint, Acces, Publisher, Outlook, One Note û tayê neweyî estê. Xeylê fonksîyonê neweyî kî teder ê, sey (jê) birnayîşê vîdeoyan, çarnayîşê PDFan, efektê 3D ê resiman ûsn. Nika kî xebitnayoxî besekenê pê Înternet pîya yew (ju) dosya ser o bigurîyê.
Offîce paketanê cîya-cîyayan de yeno rotene. Paketo tewr qijkek “Office Starter 2010” bi versîyonanê zeîfan û bireklaman ê Word û Excelî bêpere zafê komputuran de raver ra esto. Paketanê bînan rê merdim (mordem) rê kilîtê xebitnayîşî, yanî “Product Key” lazim o ke program bixebitno. Paketê “Home & Student” (Çê û wendekar) Ewropa de dorê 99 û 109 Euroyî yo. Paketê “Home & Business” (Çê û kar) 249 – 379 Euro yo û paketê “Professional” (Profesîyonel) 499 – 699 Euro yo. Seba malim û wendekaran paketê “Professional Academic” seba 109 Euroyî esto. Aye ra kî Microsoftî kî seba telefonê destan yew program virazeno ke do peyê serre bivejîyo. Tede kî Office Apps, yanî programê ke merdim înan Înternet ra xebitneno, esto.
