Namzedê CHP ê Dêrsimî Huseyîn Aygunî ju (yew) programê televîzyonî yê kanalê tirkî NTV de derheqê Seyîd Riza û Dr. Nurî Dêrsimî de qisey kerd. Aygunî no program de îdîa kerd (ziwan) ke Seyîd Riza serekê Dêrsimî ney, wa tena serekê eşîra xo bîyo. Aye ra kî dot va ke pêro şarê Dêrsimî dewleta tirke ra pîya Şêx Seîdî de da pêro.
Huseyîn Aygunî ke raver ra avûkatîya çêyê (keyeyê) Seyîd Rizayî kerdêne, nika televîzyon de va ke ey ra gore Seyîd Riza pîlê Dêrsimî nîyo. No qiseykerdişê Aygunî, badê ke ey namzedîya xo CHP ra îlan kerd, hetê xeylê dêrsimijan ra ame rexne kerdene. Aygunî kî mektuba Seyîd Rizayî ser o ke serra 1937 de ame rusnayene bi Îngilîstan, va ke duştê Seyîd Rizayî de nîyo mektubêda nîyanêne binuso, wa bi îhtîmalêde girs Dr. Nurî Dêrsimî na mektube nuşte. Jê (sey) çime, Aygunî Mehmet Efendîyê Karêrij musna.
