Bi krîzê werteyê DYA û Îranî, kartê sîyasetê Rojhelatê Mîyanênî ancîya vurînê. Mîreyîyê Ereban no semed ra derheqê projeyêde girs ê pîpelînê petrolî de çare ro fetilînê. Seba ke Îranî da zanayene, eke herb dest cibikero, ê do gula Hormusî bibirnê û vîyartişê petrolî bivîyarno, Mîreyîyanê Ereban qerar girewt ke bi pîpelînêde newe xo raya Hormusî ra bixelesnê. Bi viraştişê nê kanalêde newe, raya Îranî seba neqlkerdişê petrolî êndî lazim nêbeno. No taw 35% yê petrolê dinya no pîpelîne ra vîyarenê.
Labelê no projeyo newe zaf kapîtal hewce keno, hema-hema 3,5 mîlyar Dollarî. Coka Mîreyîyê Ereban 9% yê xo yê markaya Mercedesî roşenê. Bi rotişê hîseyanê Mercedesî ra Mîreyeyî no projeyê xoserîye fînanse kenê.
Mîreyîyanê Ereban serra 2009 de seba 1,95 mîlyar Dollarî para Mercedesî herînaybî. Hîrê serran ra dime bi berzbîyayîşê erja hîseyan ra Mercedes ra 60% kar vejîya. Mercedes ra qederî Mîreyîyanê Ereban kî para xo yê bankayê Îngilîstan seba 1,5 mîlyar Dollarî rote. Mîreyîyê Ereban serrane 40 mîlyar Dollarî petrol roşenê.
