Şarê kurdan ewro roşanê newroze pîroz kerd. Pêro mintiqa û herêmanê Kurdîstanî de newroze bimbarek bîya. Şaristanan sey Dîyarbekir, Mûş, Dêrsim, Şirnex, Çewlîg, Agirî, Êlih, Colemêrg ûêb. de bî û bi govend û tîlîlî meydanan de bî.
Dêrsim de nêzdîyê 10.000 kesî seba pîrozkerdişê newroze kewtî Meydana Seyîd Rizayî. Dêrsimijan xo bi renganê kes û sûr neqeşnaybî û mîtîngêde sîyasî ra dime newroze pîroz kerd.
Tede kî hemsereka BDP Gultan Kişanak, parlamenterê BDP Xeyrî Ateş û Yildirz Aktaş, sereka beledîya ya Dêrsimî Edîbe Şahîn, sereka pêroyî ya EMEP Selma Gurkan, serekê beledîya ya Pêrtage Kenan Çetîn, sereka beledîya ya Xozatî Ceved Konak û xeylê kesê bînî beşdar bîy. Qiseykerdişan ra dime adirê newroze hetê Kişanak, Gurkan û Şahîn ra ame wekerdene. Dormeyê kila newroze de govende ame antene, dêrsimijan newroze de keyf kerd.
