Şaristanê Almanya Koln de hetê Federasyonê Demokratîk ê Elewîyan (FEDA) ra yew konferansê cinîyanê elewîyan ame viraştene.
No Konferansê Cinîyanê Elewîyan de kî tayê qerarî derheqê jenosîdê Dêrsimî de amey girewtene. Kombîyayîş de ke binê nameyê “Şima Xeyr Amey Konferansê Cigêrayîşê Rastîye de Cinîyê Elewî” ame viraştene, ame waştene ke 4. gulane sey roja serrgêra jenesîdê kurdanê elewîyan bêro qebul kerdene. Dêsê salonî de resimê Alîşêr, Zarîfe û sîyasetmedarî Sakîne Cansiz, Fîdan Dogan û Leyla Şaylemaz ke hetê hêzanê dewleta tirke ameybî kiştene, amey darde kerdene.
Konferans de 200 beşdaran Almanya, Awusturya, Fransa, Holanda, Belçîka û Kanada ra cayê xo girewtî. Konferans ewro bi programê xo dewam keno.
