Serekê partîya CHP Kemal Kiliçdarogluyî Selanîk (Tesalonîkî) de banê (bonê) ke Mustafa Kemal Ataturk tede ameybî dinya, zîyaret kerd. No zîyaret ra tepîya Kiliçdaroglu Trakyaya rojawanî de şaro tirk ê ucayî (uzayî) de ame têlewe.
Kemal Kiliçdaroglu raver konsolosê Tirkîya yê Selanîkî de arişîya (wareşîya ra) û tepîya şî banê (bonê) ke Ataturk tede ame dinya. Uca (uza) de defterêde taybetî de hîsê xo nuşt. No defter de Kiliçdarogluyî nuşt ke Ataturk lîderêde girs o. “Ma heskerdoxê Ataturkî yîme. Hevalê mi û ez, ma Selanîk der îme, hardo (erdo) ke ti ameya dinya. Ma ti yeno ma vîr. Şoreşê ti rayberê ma bî, beno. Ma raya to ra şonîme.”
Tepîya ke Kiliçdaroglu ban (bon) ra vejîya, rojnamegeran ra va ke Ataturk lîderêde girs o. Wextê ey ra tepîya xeylê lîderî vejîyay sahneyê tarîxî, labelê Kiliçdarogluyî ra gore kes jê (sey) Ataturkî girs û pîl nêbî. Ey va ke xeylê serekê dinya rîpelanê tarîxî ra vîndî benê şonê, labelê Ataturk hîna ciwîyêno û coka “seba ma zaf muhîm o.”
Kemal Mustafa Paşa, bi nameyêde bîn Ataturk (pîlê tirkan), sazkerdox û serekkomaro verên ê Komara Tirkîya bî. Qirkerdişê Dêrsimî yê serranê 1937 – 38 bi destûr û planê Ataturkî ameybî viraştene. No jenosîd de bi deshezeran dêrsimijî, merdimê (mordemê) pêra Kema Kiliçdarogluyî tede, qir bîbîy.
Kare Kilicdaroglu zoro. Pera inura xeyle kesi hete Ataturk amey bi kistene. Nika torne na asire bone ke Ataturk tede amo dinya ziyar keno. Dinyade numuneye ney cina. Se vajime, xizir kes caye Kilicdaroglu mekero. Nika no heyat hervi yeno sono, ni qe nitersene ke dinya binde, cikeke niy dika kerde inura yeno perskerdene?