Partîya neteweperweran a Îskoçya weçînitiş de netîceyêde tewr rind ê tarîxê xo girewt. Partîya neteweperweran a Îskoçya SNP weçînitişo newe de partîyanê înglizan ra zêde rayî girewt û nika besekeno ke tarîxê xo de reya verêne teyna hukman rono.
No semed ra partîyê Îskoçya nika wazenê ke mabênê 5 serran de ju (yew) referandumê xoserîye bivirazê ke xo Brîtanyaya Girse ra cîya bikerê. Partîya lîberal a Îngilîstanî beyanatê xo de da zanayene ke ê duştê nê referandumî de nîyê û vanê şarê Îskoçya bextê xo ser o bi xo qerar bido. Naye ra dot lîberalan ra Mîchael Mooreyî va ke partîya ey û Îngilîstanî no refarendum de seba juyîya (yewîya) Brîtanya gureyenê. Ser o kî partîya konzervatîf a Îngilîstanî duştê cîyabîyayîşê Îskoçya der a.
Partîya SNP tarîxê xo de reya verêne parlamentoyê cayî de verên ameye. 129 cayan ra 69 teneyî înan girewtî û naye ra besekenê ke hukmat teyna ronê. Heta nika referandumêde nîyanên hetê parîyanê îngilîzan ra nêameybî viraştene. Bi no netîce SNP wazena ke werteyê 5 serran de firkê şarê xo persa xoserîye ser o pers bikero.
