Xebera Rûdawî ra gore, Dayîreyê Têkilîya Karanê Teberî yê Herêma Kurdîstanî venga konsûlê pêroyî yê Îranî da ke yew meqala konsolosîye îzeh bikero. Meqela keyepelê konsolosîya Îranî de Îran sey welatê kurdan û kurdkî sey lehçeyê fariszkî name benê.
Venga konsûlê pêroyî yê Îranî Mohsan Bawafayî hetê serekê Dayîreya Têkilîya Karanê Teberî yê Herêma Kurdîstanî Fallah Mustafa û spîker Safîn Dîzayêyî ra ame dayene ke meqala keyepelê konsolosîya Îranî ya Silêmanî îzeh bikero. Tede tarîxê Îran û Kurdîstanî dîyayîşê Îranî ra qal beno. Vajîno ke kurdî Tirkîya, Îraq û Sûrîye de eqalîyet ê, la Îran eslê xo de welatê înan o. Aye ra kî dot Komara Mehabadî sey “hukmato wextkilmo komunîst” name bena. Meqale de kurdkî sey lehçe hesibîyenoa. “Kurdkî ziwan nîya, la lehçeyê xeylê ziwananê fariskî yo ke têmîyankerdişê erebkî, tirkî û fariskî ra virazîya.”
Hukmatê Herêma Kurdîstanî roja panşemîye da zanayene ke o na meqale resmî protesto keno. Protesto ame rusnayene bi konsolosîya Îranî ya Hewlêrî, ser o kî yew îzeh û eşkerakerdişo resmî desinde hetê Komara Îranî ra ame waştene. Bawafayî ra gore no sîyasetê Komara Îslamî ya Îranî nîyo. Herêma Kurdîstanî ancîya waşt ke protestoyê Hewlêrî bêro rusnayene bi wezîfedaranê Tehranî.
Bi no serebût sîyaset û vînayîşê Îranî derheqê kurdan de ancîya ame dîyene. Meqala konsolosîye de yeno vatene ke Îranî serra 1991 ra dime waşt ke têkilîya hîna rinde bi Kurdîstan rono, coka Hewlêr û Silêmanîye de konsolosîyî kerdî ra. Labelê tede kî nusîno ke Îran nêwazeno ke Îraq paçre bibo û kurdî bibê wayîrê dewletêda xosere.
Hata ke ma ju vayire ju dewlete nebime, domen bila ma de kaykene. Nika tirkuna kes vano ke ziwane sima tewerteyo, farsi yo, fransizki yo, erebkiyo, kurdki yo. Kes nevano, cike dewleta tirku esta… Hete binrak hen muhim niyo ke Iran, Tirkiya u Erebi dewleta xosera Kurdistan nevazene. Tena muhimo ke, Kurdi dewlete vazene yaki nevazene. Qayite trajediye siyaseta kurdi ye BDP-PKK-HDP kerime rave. No trajedi ci hefyo ke hona nino fehm kerdene. Na semeda Iran sewato hen muhim niyo. Kurdi ke xo niya politik rejil kene, Iran ik niya qisey keno.