Fîlmo kilm o ke bi nameyê ‘Spî’ yo û hetê derhênerê kurdî Newroz Şabanî ra ameyo antiş, Mîhrîcanê Fîlman ê Mîyanneteweyî yê Berlînî (Berlinale) yê 76. de “Xelata Fîlmê Kilmî ya Taybete ya Domanan” girewte.
No fîlmo 12 deqeyin o ke herêma Dihokî de ameyo antiş, qala domananê yew mektebê dewe keno. Domanî kewenê dima perdeyêkê sipîyî yo ke hetê malimê înan ra textayî ser o ameyo aliqnayene, la dima dewijan o girewto û nê rayîrî de rastê zehmetîyan yenê. Muzîkê nê fîlmî zî hetê hunermendê namdarî Homer Dizeyî ra ameyo viraştene.
Derhêner Newroz Şabanî derheqê xelate de eşkerayîye daye û dîyar kerd ke mîhrîcanêkê wina namdarî de mojnayîş û xelatgirewtişê fîlmî, nîşan dano ke sînemaya kurdî gamê muhîmî eştî û zaf aver şîya. Na serkewtene, seba naskerdişê hunerê kurdan ê mîyanneteweyî gamêka zaf erjaye ya.
Çime: Xebera bingeyîne Rûdaw ra ameya girewtene. Çarnayîş û redaksîyon hetê Masaya DersimInfo ra ameyê kerdene.
ÇEKUYÊ MUHÎMÎ
| Kirmanckî | Tirkî | Îngilizkî |
|---|---|---|
| Mîhrîcan | Festival | Festival |
| Derhêner | Yönetmen | Director |
| Eşkerayîye | Açıklama | Statement |
| Averşîyayîş | Gelişim | Progress / Development |
