Festîvala kitab û muzîkî de ke welatê baskan de bi (ebe) baskkî yeno viratene, emser Kurdîstan mêman (meyman) o. Emser festîvale reya 45. şaristanê Bîzkaîa de 4-8 kanûne de salonê de ke 4 hezar m² hîra o, yeno viraştene. Xelata muzîkî ya na festîvale emser deyrîbazo bask Îmanol Urbîeta cêno. Urbîeta serra 1934 de ameyo dinya û seba zon (ziwan) û kulturê baskan heta nika xeylê emeg dayo.
Panc rojan de şarê baskî na festîvale de konferansan bi zonê (ziwanê) xo virazeno, goşdarîya kilaman keno, kitab ya kî albumê baskkî herîneno. Xeylê hunermendî û nuştoxî na festîvale de bi xeyrananê xo yenê têlewe. Roja 05.12. de teyna muzîk û kulturo kurd yenê musnayene. Na roje de mewzûyê panelan kî zon (ziwan) û xoserîya kurdan o, aye ra kît dot musnayîşê govende û kilamê kurdkî estê.
