Ferhat Tunç şarî de ame têlewe

[wide][/wide]Namzedo xoser Ferhat Tunç Dêrsim de taxa Alîbaba de kampanyaya weçinitişî de bi şarê Dêrsimî ame têlewe. Ferhat Tunç uca (uza) de da zanayene ke o do parlamento de hesabê trajedîya Dêrsimî pers bikero.

Ferhat Tunçî verê xeylê kesan nîya qisey kerd: “Şarê Dêrsimî duştê asîmîlekerdişê zon (ziwan), kultur û îtîqadê xo de xeylê çetinîye ante (onte). Welatê ma xeylê dej dîyo. Semedê îtîqad û zonê (ziwanê) ma ma qetlîamî dîyê. Her kes bizono ke ma zonê (ziwanê) xo ra, kulturê xo ra, îtîqadê xo ra, welatê xo ra nêbenîme. Pêro partîyê sîstemî wazenê ke ma naye xo vîr ra bikerê, ke ma bîme bêkultur û komelêde xirabin. Gerek Dêrsim îtîbarê xo bi wekîlanê na dewlete mîyaro.”

Ferhat Tunç uca (uza) ra şî dewa Mamekîye Batman. Ey ra pîya deyîrbazê dêrsimijî Denîz Deman û Sengule kî beşdarê kampanyaya weçînitişî bîy. Ferhat Tunç na kampanya de eleqeyade girse hetê şarê ra Dêrsimî dîye.