Goreyê raporê markayan ê “BrandZ”î, erja şîrketê Google yê Apple ra tenêna berz a Nîya Google reşte cayo yewin û Apple eşte war.
Şîrketê viraştoxê iPhone û iPadan Apple cayê xo yê yewinî kerd vîndî. Dêvê Înternetî Google erja xo bi 40 % zêdenaye. Goreyê Şîrketê Cigêrayîşî Millward Brown ra erja Google 158,8 bîlyon Dollarî ya. Par na hîna 40 % kêmî bîye. Erja Apple kî bi 20 % peyser şîye bîye 147,9 bîlyon Dollarî.
Mîllward Brown ra gore, Google profîlê markaya xo bi înnovasyonan ra kerd pêt. Sey nimûne, Google plan keno verçimikê komputure “Google Glass” vejo ya kî bi zekaya viraştîye meşgul bena. Heto bîn ra Apple ra xeylê çîyê neweyî nêamey.
Cayo hîrêyin ê şîrketanê tewr erjayan de ÎBM bi 107,5 bîlyon Dollarî yo. Dima Mîcrosoft, McDonald’s û Coca Cola yenê.
(Resim: Carlos Luna)
