Hêrişanê leşkerîyan ê DYA û Îsraîlî yê vera Îranî ra pey, xeberê muhîmî vejîyayî meydan ke CIA û Hukmatê DYA seba çekdarkerdişê kom û grubanê kurdan ê muxalîfan aktîf xebitîyenê. Goreyê xeberan, hezaran şerwanê kurdan sînorê Başûrê Kurdîstanî de ameyê têhet û rojanê nêzdîyan de pawenê ke operasyonêko bejayî dest pêbiko.
Xeylê çimeyî tesdîq kenê ke rayedarê DYA, lîderanê kurdan ê Başûrî û fraksîyonanê çekdaran ê sey Partîya Demokratîk a Kurdîstanê Îranî (PDK-Î) reyde pêvînayîşanê dîrektan kenê ke çekan û destekê hewayî yo muhtemel peyda bikê. Armanco stratejîk no yo ke hêzê kurdan eyaletanê rojawanî de vera Artêşa Pasdaranê Şorişî de şer bikê û hêzanê rejîmî merkezanê pîlan ê bajaran ra dûr bivisnê. Rayedarê îstîxbaratî bawer kenê ke na vengîya asayîşî, do fersend bido welatîyanê Îranî ke bê ke rî bi rîyê hêriş û pelçiqnayîşê girdî bimanê, seranserê welatî de serewedaritişêko girs dest pêbikê.
Eke no operasyono wekaletî bêro caardiş, na game do balansa hêzan a Rojhelatê Mîyanênî bi timî bibedilno û rejîmê Tehranî rê zî yew xetereyêko heyatî yo dîrekt bîyaro meydan. Labelê no plan, eynî wext de şarê kurdî yê sivîlî zî fîneno hedefê qesas û hêrişanê giran ê leşkerîyan ê Îranî. Na rewşe zî, mîyanê komelî de nê munaqeşeyanê xorînan vejena meydan ke gelo şerwanê kurdan reyna hetê hêzanê rojawanî ra sey pîyonanê jeopolîtîkan yenê xebitnayene ya nê.
Çime: Xebera bingeyîne CNN / Reuters ra ameya girewtene. Çarnayîş û redaksîyon hetê Masaya DersimInfo ra ameyê kerdene.
ÇEKUYÊ MUHÎMÎ
- Serewedaritiş (n) | İsyan, başkaldırı | Uprising, rebellion
- Pelçiqnayîş (n) | Ezme, baskılama | Suppression, crushing
- Asayîş (n) | Güvenlik | Security
- Pîyon (n) | Piyon | Pawn
- Wekalet (n) | Vekalet | Proxy
