Paytextê Belçîka Bruksel de dizdênîya sansasyonel:
tayê merdimanê çekdaran hêrişê wesîtaya neqlîyatî yê rasteyê teyara yê Bruskelî kerd û elmasan ke erja înan 50 mîlyon Dollarî ya, tirt.
Xebera rojnamayê flaman “De Morgen” ra gore temsîlkarê şîrketê World Diamond Centre yê Antwerpenî da zanayene ke dizdan elmasê 50 mîlyonî Dollaran tey berdî. Şaristanê Antwerpenî merkezê elmesan ê dinya yo.
Dizdan wesîteya ke kasayê teyara yê swîsijî Helvetic Air bar kena, şelêna. Na wesîta elmasî gerek biberdêne Zurîh. Heşt merdimê çekdaran ke kewtîbî kincê polîsî çeperê meydanê teyara bi erebeyo girs şikit. Wextê tirtişî de çekî nêamey xebitnayene. Panc deqayan ra dime dizdan meydan bi erebeyê xo terk kerd. Badêna, polîsî otomobîlê dizdan nêzdîyê meydanê teyara de dî, dizdan o veşnaybî.
