Sîyasetkarê kurdê dêrsimijî Kemal Burkay çapemenîye rê da zanayene ke Xelata Atatirkî ke yena waştene bidê bi ey, ey ra gore nîya û coka Burkay na xelate qebul nêkeno.
Rojnameyê Rûdawî de Burkay nîya qisey kerd: “Mi na xebere roja dişemîye heşnaye. Heta nika mi de kanalêde resmî ra qet têkilîye nêame ronayene. Labelê xelata ke bi nameyê Atatirkî yena dayene mi, mi ra gore nîya. Xelatêda nîyanêne ser o ez nêvindena û eke wazenê bidê mi, ez nêcêna.”
Kemal Burkay nîya dewam kerd: “Sîyasetê mi û na xelate pîya nêbenê. Leyê Kenan Evrenî saxneyê polîtîkaya kurde de tayê sîyasetkarê kurdî estê ke Atatirkî ra hes kenê. Na xelate goreyê înan a, adresa înan kî bellî ya.”
