Îndeksê borsayê Polonya WIG20 de no hewte grafîkê teknîkî resimêde rind musneno sermayegozaran. Rastkerdişê kanalê trendî ra tepîya borsayê Polonya perra bi cor. No semed ra serê 2.850 pûanan de merdim (mordem) borsayê Polonya de kapîtal keno ci, çike noca (naza) sînyalê herînayîşî dano.
Wadeyêde kilm de bê krîzê sîyasî, ekonomî ya kî krîzêde bîn, îndeks ra gore WIG20 raver heta 2.900, 3.150 û tepîya heta 3.150 rakerde bî. Gerek merdim (mordem) Stoploss (kursê rotişî) 2.750 de bikero.
Dewleta Polonya emser seba 5,4 bîlyon Zloty fabrîkayanê dewlete prîvatîze kena. Fîrmayê dewlete jê (sey) fîrmayê asuransî PZU aşma gulane de, şirketê enerjî Tauron aşma hezîrane de û borsayê Warşowa kî peynîya na serre de yenê prîvatîze kerdene. Heto bîn ra no taw produktîvîteyê ekonîmîya Polonya welatanê bîna ê rojhelatê Ewropa ra tikêna rind o.
