Serekê Herêma Federal a Kurdîstanî Mesûd Barzanî Urdun de bi serekê Forumê Ekonomî yê Dinya (WEF) Klaus Schwabî de ame têlewe. Forumo emserrên ke Deryaya Merdîye de yeno viraştene, tede mabênê serekê WEF û Barzanî de kombîyayîş virazîya.
Goreyê keyepelê resmî yê serekîye ra, Schwabî giranî da ser ke ekonomîya Herêma Kurdîstanî de rolê Barzanî muhîm o. Seba çareserkerdişê problemê ekonomîkî yê Herême Barzanî wezîfeya muhîme cêno. Boyna, qiseykerdişan de yew mewzû multecîyê Kurdîstanê Başûrî bîyê. Seba naye Herême do WEF ra desteko madî bicêro.
