Şîrketê teknolojîyî yê girdî seba binawanîya Mezgo Viraşte (AI) 600 mîlyar dolarî xerc kenê, labelê Wall Street derheqê balonêko gird ê sey dot-comî de hişyarî dano. Analîstê fînansî texmîn kenê ke na xercîya zêde, ya do ekonomîya dinya de şorişêk bîyaro pê ya zî do bazarî de krîzo de xorî bîyaro pê.
Şîrketê sey Google, Microsoft û Amazonî, qezencê wextkilmî nêhesibnenê û seba serdestîya wextderge merkezê doneyan û çîpanê averşîyayeyan awan kenê. Labelê, sermayegozarê bitecrubeyî hişyarî danê ke ameyeyê nê modelanê Zekaya Viraşteye, xercê înan yê sermayeyî ra bi seyan mîlyar dolarî kêm ê. Heto bîn ra, averşîyayîşê “Zekaya Viraşteye ya Otonome”, ke eşkena bê kontrolê merdimî karanê giranan bîyara ca, programanê komputerî yê nika betal kena. Dema ke rayberê teknolojîyî bawerîya xo bi îhtîyacanê ameyoxî anê, rexnegîrî vanê ke awankerdişê binawanîye zaf zêde yo û waştişê şîrketan ra ravîyarto.
No rîsko fînansal o bêemsal eşkeno dinya de şorişêko endustrîyalo newe bîyaro pê û averşîyayîşê zanayis û teknolojîyî zaf lez bikero. La eke no balon bipeqo, eşkeno ercê pîyasayî yê bi trîlyonan dolarî çin bikero û hêzê karkeranê teknolojîyî yê dinya de bedilîyayîşêko xidar û xaftela bîyaro pê.
Çime: Xebera bingeyîne The Financial Times û Bloomberg ra ameya girewtene. Çarnayîş û redaksîyon hetê Masaya DersimInfo ra ameyê kerdene.
Ferhengok / Glossary:
- Binawanîye: Infrastructure / Altyapı
- Done: Data / Veri
- Ameye: Revenue (Income) / Gelir
- Sermayegozar: Investor / Yatırımcı
- Xaftela: Suddenly / Aniden
