Badê hêrişê mevkîyanê HPG, artêşa tirke nika Kurdîstanê Rojawanî de mevkîyanê YPG û yê Artêşa Surîye ya Azade (ASA) bomba kena. Sey netîce çar cengdarê ASA û tayê dewijî bîyî dirbetinî.
Keyepelo resmî yê YPG de dîya zanayene ke nê di rojanê peyênan de mevkîyê dewa Zormîxarî, nêzdîyê Kobanê de, ameyî bomba kerdene. Çar cengdarê ASA bîyê dirbetinî. Hêrişê artêşa tirkan 24. temmuze dorê saeta 4:30 de rojawanê Kobanê, ververê Cerablusî dewa Zormîxarî de dest kerd ci. Na fay tankanê tirkan kî mevkîyî bomba kerdî. Hêrişî peşewe dewam kerd, dewa Til Findirî dorê saeta 23:00 de bomba bîye.
YPG ra gore îdayê artêşa tirke ke tena mevzîyanê DAÎŞ bomba kenê, rast nîyê.
