Roja 08.04.2011 de şaristanê Almanya Gîessen de ju (yew) panelê bi nameyê “Yahudîyê Kurdî Îsraîl – Rojhelato Mîyanên de Perspektîfê Çareserkerdişê Persa Kurdan” bi beşdarîya xeylê kesan ame viraştene. No panel hetê Komela Kurda Alman a Gîessenî û Komela Yahudîyan a Gîessenî ame viraştene. Panelîst kî Dr. Mordexaî Zaken bî ke melumatî derheqê kurdanê Îsraîlî de day.
Dr. Zaken pisporê tarîxê kurdan, yahudênîya oryantale û kêmneteweyanê nemusluman o ke Unîversîteya Îbranîkî ya Quddusî de gureyeno. O di serrî mişawîrê serekwezîrê Îsraîlî bî. Dr. Zaken serranê 1950 ra Kurdîstan ra bar kerdo şîyo Îsrael. Melumuatê ey ra gore Îsreal de dorê 150.000 kurdî estê ke kurdîyîya xo, yanî nasname û zonê (ziwanê) xo vîndî nêkerdê. Dr. Zakanî da zanayene ke nêzdîyê 2.000 serran yahudîyî Kurdîstan de ciwîyayêne.
Dr. Zakanî panel de analîzê xo da nas kerdene. Ey ra gore kurdî, Îran ra qederî, pêro welatan de ke tede manenê, hetê girsîye ra grûba etnîk a dîyine temsîl kenê. Virênî de yahudîyî bîy, nika kurdî mileto tewr girs ê dinya bê dewlet o. Dr. Zakenî nîya qisey kerd:
“Gerek kurdî heqê xo yê ke heta nika ame ameyo tirtene, peyser bicêrê. Na raye de gerek ê bi dewletanê ke heqê înan girewtê, bawer mekerê. Gerek şaro kurd naye tarîxê xo ra bizanê. Hetê ra kî gerek heq û qederê xo dima şêrê, xo meşanê bi partîyanê muxalefetî ûsn. Mecburî yo ke pêro kurdî bêrê têlewe û pîya bigurîyê. Naye de gerek destekê dîasporaya kurde, welat û çapemenîya enternasyonale mobîlîze bibê.”
Panel bi pers û cewabanê beşdaran reşt peynîye.
