Serekê DTK Ahmet Turkî mîtingêde girs ê Dîyarbekirî de derheqê ronayîşê parlamentoyêde Kurdîstanî de qisey kerd û vat “Parlamentoyê Kurdîstanî ma bi şarê xo nanîme ro. Sireyo ke ma ameyîme weçînitene, sond wendîme: şarê ma ke kotî yo, ma kî uca (uza) der îme. Şarê xo ra pîya şonîme.”
Ahmet Turkî ra gore şaro kurd virajêde krîtîk ra şono û mucadeleyê azadîye keno. “Her kes hêz û herbê nê şarî vîneno û nas keno” Qerarê îptalkerdişê wekîlîya Hatîp Dîcleyî ser o Ahmet Turkî va ke “Noca (naza) ra sond wenîme ke heta peynîye mucadeleyê xo ramenîme. Bi tehdîdê înan ma nêtersenîme, xora eke bitersayêne, ewro tîya (îta) nêbîyêne. Tehdîdê înan ma tena keno daha xirt.”
Turkî da zanayene ke şaro kurd bê alternatîf nîyo, no rî ra parlamentoyê Kurdîstanî danê viraştene. Turkî qiseykerdişê xo bi vatena Cigerxwînî ard peynîye, va: “Şîyayîşê cenetî bi minetanê kesanê bînan ra ney, wa tercîh kenîme ke bi hawayêde azad şêrîme cehenem”.
