Ahmet Turk: Na pakete se kundir a

Sîyasetkaro kurd Ahmet Turkî Paketa demokrasî yê hukmatê Tirkîya giran rexne kerd û qiseykerdişê xo de va ke “Na pakete je tere kundir a.”

Serekê DTK Ahmet Turk dimê eskarakerdîşê paketa demokrasîyê hetê serekwezîrê Tirkîya Recep Tayyîp Erdoganî, qisey kerd fikrê xo nîya ardî ziwan: “Zereyê na pakete de tene çîyê qijkekî este. 3 herfê alfabe yê kurdkî sero qedexe dardo wo, ney ma xora xebitneme. Çîyo bîno ke Kurdistan de werteyê sarê ma de endî normal o, nameyê kurdkî yê cayenê ma yo. Ebê na paketê ney onca kene legal. Onca rayê perwerde yê kurdkî nîno rakerdene. Hazaran polîtikarê Kurdî semedê fîkrê xo hona zere de re. Endî amo dîyene ke vaştişê sarê ma seba demokrasî û azadî onca hewa de mendo. Ebê îznê şima ez vazena ke na peketa ebê ju sewzî eskera kerîne. Na paketa se kundira. Eke şima qayite ju kundire kere, girs û rindek asena. Labelê şima ke kundire lete kere, vinene ke zere yê aye de çîyêk çîno, dol a. Na paketê raşt nîya û ma vurrare nîkeno.”

Paketa peyenê hukmatê Tirkîya onca qayilê sarê Kurdî neşî û musna ke Kurdî 14 seran ra tepîya heqa xo ebe sîyaseta neweyîk neşkîne bicere.

(Resim: born1945)