Eure Diyarbekîr de seba newroze nejdiye 1 milyon Kurdî Meydanê Newroza Amed de amey têlewe û newroza 2012 pîya bimbarek kerd. Duşte pöre ceribnayisê qedexekerdena Newroza Diyarbekîr sey hazaran kesî xo eşt meydanê Newrozê u qedexeyê dexleta Tirkîya gos nida. Tepîya ke meydan bi pirr, dikade adirêde girs ame wekerdene
Sereke wedariya Diyarbekîr Osman Baydemir dika de jü qisey viraşt u vat “çor parceye Kurdistan´de Hewler, Afrîn u Qamişlo de Newroz sare mare pîroz bo. Dînya eure şahiden kerd ke kes vere hezê yewbîyayê made besenikeno ke bivindo. Pöre dînya u Ankara bizone ke, endî miletê Kurdî u Kurdistan bê statuyen qebul nikeno. Eke sima zone (ziwane) ma qedexe kerd, mak qedexe yê sima keme parçe u kume na meydan. Ma şimarê vatme ke endî na polîtîkayê kundire cawerde. Ma ney şimare onca vame. Biyere endî însan be”
Sîyasetkar Ahmet Turk qiseykerdişê xo bi kurdkî viraşt u nîya vat “Sîyaseta dewletê eure dikadê îflas bî. Na meydan de şima eure polîtîkayê dewletê sikit. Ebe ters besenîbeno ke sare Kurdî bîyero bêveng. Hata peyniye ma duşste na sîyasetê vindeme. Endi şima mecburê ke huquke miletê ma nas kere. Eure sare ma seba Azadîyê pay dero. Ez beseniken ke şimarê dayê vajine, şima rayê azadîyê rind zonene.”
Newroza emserêne musna ke şarê kurdan heta ke heqa xo girewt nêtexelîno û mucadeleyê xo dewam keno.
