Sîyasetkar û roşnvîra kurde Leyla Zana rojnameyo kurd Rûdaw de qisey kerd û va ke otonomîya demokratîke şarê kurdî rê bes nîya.
Leyla Zana nîya qisey kerd: “Qanûno bingeyî yo newe de qalê heqanê şexsîyan beno. Ma kî înan ra vanîme ke ma şexsîyet ney, netewe yîme. Ma heqanê neteweyî wazenîme. Tayê kurdî Tirkîya de otonomî wazenê. Mesela raste na ya: 20 mîlyon kurdan ra çend teneyî otonomî waşte? Gerek na mesele de munaqeşeyî dewam bibê. Mi ra gore gerek kurdî îstîqbalê xo bi xo tayîn bikerê. Rast a, verê ma otonomî waşte, labelê ewro kurdê ke Tirkîya de ciwîyênê, otonomî bes nêvînenê. Heqê çarenuştişê xo goreyê qerarê Miletanê Yewbîyeyayan kî heqê şarê kurdî yo.”
Leyla Zana veng da kê êndî wextê referandumî ameyo. Fikrê aye ra gore gerek kurdî qederê xo bi ju (yew) referandum ra tayîn bikerê. “Xeylê wext o ke netewa kurde erdê (hardê) xo ser o ciwîyêna. Caran duştê şaran bînan de dişmenîye nêkerdêne. Caran duştê kesî de teda nêkerdene. Eke îhtîyac bî, hertim hetê înan kerd. La çi heyf o ke piştîya (poştîya) kurdan zafê reyan hetê însanan ra ke ci rê ardim kerdêne, ameye rijnayene. Kurdî hem mazlum hem kî humanîst ê. Eke kurdî zalim bibîyêne, o wext nika welat û nasnameyê xo estbîyêne.”
Bravo Leyla Zana re, Selahattin Demirtas ra tena phet vejiye. Demirtas her roza vano ke dewre dewlet qediya, labele her milet dewlete xo keno hezin, cekan herneno, markaye xo kene namdar. Dewre dewlete qe niverino. Kamke niya qisey keno gino deste dismene sare Kurdi.