15 mintiqayê Colemêrg, Dîyarbekir, Sêrt û Şirnexî jê (sey) “mintiqayê asayîşî” kotî binê tetbîqê halê îstîsnayî (OHAL). Qerarê Serekê Hereketê Sererkanîya Pêroyî korgeneral Abdullah Recepî ra gore 3. oktobre 2011 ra heta 15. çele 2012 zerekotişê nê mintiqayan seba sîvîlan beno qedexe.
Seba naye kî qumandarîya cendirmeyan ê Colemêrg û qezaya Şirnexî Elkê keyayîya dewan rê da zanayene ke wareyê nê cayan û yê Koyê Katoyî bêrê tal (tol) kerdene. Goreyê melumatê ke qumandarîye da, nê mintiqayan de do operasyonî dewam bikerê.
