Nuştox Îbrahîm Sedîyanî roportajê xo bi keyepelê lazkî Kolkhoba.org de derheqê tezê girêdayîşê kurd û çerkezan de qisey kerd. No roportaj kî rojnameyê Haksozhaberî de bi tirkî neşr bîbî.
Sedîyanî roportaj de vano ke kokê tarîxê çerkez û kurdan ju (yew) yo. Ey ra gore paradîgmaya şovenîsta nikayin a Komara Tirkîya bi xeletîye juyîya (yewîya) qederê tirkan û şarê Kafkasya propaganda kena. Eksê ci de Sedîyanî vano ke girêdayîşo muhîm werteyê kurd û çerkezan de estbî. Jê (sey) nimûne Sedîyanî Selehedîn Eyubî musneno ke ey ra gore kurdêde Kafkasya yo û mîyanê çerkezan de bîbî pîl. Kurdî û çerkezan zemanêk Misir, Fîlîstîn û pêro Rojhelato Mîyanên pîya îdare kerdîbî, coka hîna Misir de, mesela, xeylê kuçe, meydan û camîyî bi nameyê Selehadînî ya kî “kurd” estê. Sedîyanî roportaj de kî qalê sultanîya çerkezan keno ke împeratorîya Eyubî ra dime Qahîre de 1257 ra heta 1517 ramite. Aye ra kî dot tersê tirkan ra çerkezî hetê kurdan ra ameybî ardene bi Misir. Kitabê “El- Mazaret’ul- İslâm’el- Asâr’ul- Arabîyye” behsê naye keno.
Îbrahîm Sedîyanî Xarpêt ra û nuştoxê kitabê “Adını Arayan Coğrafya” (Cografyaya ke nameyê xo saye kena) yo. Sedîyanî no kitab de nameyê dew û şaristananê kurd, çerkez, laz û gurcan ê ke hetê Komara Tirkîya ra amey vurnayene, mewzû kerd.
