Goreyê xebera keyepelê Zazakî.net ra ju (yew) rojnameyê kirmanckî (zazakî) bi nameyê “NewePel” do nêzdî de bivejîyo. Rojname rojnameyêde kulturî yo ke destpêk de her 15 rojî neşr beno û seranser bi (ebe) kirmanckî yo.
Rojnameyê “NewePel” çarçewaya xebata Komela Ziwan, Huner û Kulturî (Ziwan-Kom) de vejîno, merkez kî Dîyarbekir o. Destpêk de rojname her 15 de vejîno û heşt rîpelî yo, labelê plan beno ke dima hem rîpelê xo bibê zêde hem kî demê vejîyayîşî bibo kilm.
Hûmara verêne roja 15.03.2011 de yeno neşr kerdene. Fîyatê rojnameyî 1 YTL o. Goreyê enformasyonan NewePel zafêrî bi destan beno vila, hedef o yo ke rojname pêro şaristananê ke tede kirmanckî qisey bena, vila bibo.
Berpirsîyarê rojnameyî seba destek, temsîlkarî, abone, têkilîye ûêb. adresa xo ya e-maîlî da zanayene: newepel@hotmail.com.
