Futbolbazo dêrsimij Denîz Nakî ke lîgê futbolî yê Almanya Bundesliga de ekîbê St. Pauli de kay keno, rojnameyo alman Bild rê welatperwerî û hesretê xo bi (ebe) welatê xo Dêrsim musna.
Persê rojnameyî ser o ke çayê bazîyê xo ser “Dêrsim 62” nuşte yo, Nakî va ke tatîlê xoyo peyên de da viraştene, “Îta (tîya) Dêrsim 62 nusîno. Pîyê mi uza (uca) ra yeno, rojhelatê Anatolîya der o. Ma kurd îme. Ez aye nêda nuştene, çike ez kokê xo nêzanena. Na seba pêro domanê ke nêtorenê ke eslê xoyo kurdî eşkera vajê, ya. Zafane vanê ke tirk ê. Ez vana, mordem (merdim) şikîno hurmet era eslê xo bimusno.”
