Mabênê 48 saetanê peyênan de, Herêma Kurdîstanî rastê şîdetêkê xidarî ameye û nêzdîyê Hewlêrî de baregehê koalîsyonî yê bi serekîya Amerîka bi roket û dronan ameyî hedefkerdene. Na pêla hêrişan a xafile, şîrketê petrolî yê mîyanneteweyî mecbûr kerdî ke seba xatarê asayîşî yê karkeran û binawanîya xo, xebatanê xo bidê vindarnayene.
Nê hêrişê peyênî ke zafane hetê grûbanê mîlîsan ê herême ra ameyê kerdene, merkezanê leşkerîyan ê stratejîkan û herêmanê ekonomîkan ê nêzdîyan kenê hedef. Semedê xirabbîyayîşê rewşa asayîşî ra, fîrmaya Gulf Keystone Petroleum û fîrmayê mîyanneteweyî yê bînî, seba pawitişê karkeranê xo, warê petrolî yê Şêxanî de xebata vetişê petrolî wextkî da vindarnayene. No vindarnayîş dima ra tansîyonê herêmî yê çend aşman ameyo, labelê tesîro rasterast yê serê xebatanê petrolî, îşaretê averşîyayîşêkê cidî yo. Hêzê Pêşmergeyan yê lokalîî û sîstemê pawitişê hewayî yê koalîsyonî ameyî rewşa amadebaşîye, û rayedarî seba asayîşê nê waran xebitîyenê.
Seba Herêma Kurdîstanî, nê hêrişî bingeyê îstîqrarê ekonomîkî yê herême tehdît kenê. Çunke ekonomîya herême bi giranî girêdayeya sermayegozarîya petrolî ya xerîban û xebata vetişê petrolî ya bêbiriqîyayîş a. Bi pîvanêko hîratêr, nê hêrişî îstîqrarê Başurê Kurdîstanî hîna zaf xirab kenê û Hewlêrî anê mîyanê cenganê wekaletî yê Rojhelatê Mîyanênî ke nika bi girm dewam kenê.
Çime: Xebera bingeyîne Reuters û Kurdistan24 ra ameya girewtene. Çarnayîş û redaksîyon hetê Masaya DersimInfo ra ameyê kerdene.
Ferhengok / Glossary:
- Binawanîye: Infrastructure / Altyapı
- Sermayegozarî: Investment / Yatırım
- Xafila: Sudden, suddenly / Ani, aniden
- Asayîş: Security / Güvenlik
- Pawitiş: Protection, defense / Koruma, savunma
