Gama destpêkî de merdim vîneno ke tîya tesîrê dînê tekhomayî nêbîyo. Tesîrê îslamîyet û xirîstîyanî kêmî yo. Qandê cû komelê tîyayî yê şarê êzîdî hîna zî dewlemend o. Kulturê şarî reng bi reng o. Tîya eşîrî estê, her eşîre goreyê xo ya. Nînan ra tayê erdîşa xo derg kenê, tayêna qesnenê. Tayê camêrdê eşîre porê xo derg kenê û mûnenê, gila kenê. Tayêna zî qesnenê. Cinî û kênayê tîyayî çarşefa sîyaya xo ra nêdanê. Çinayê (cil) reng bi reng xo ra danê. Tîya yewbînî ra cîyayî zaf esta. Her eşîre, her dewe, her herême ver bi ê bînî rêz gênê. Kes ê bînî bêqîymet nêkeno. Yewbînî qij nêvînenê. Tewr vêşî vanê “A eşîre zî hema winî ya, a dewe zî hema winî ya, o keye zî hema winî yo”. Naye ra zîyadêr kes duştî vera ê bînî nêkeno. Hemverê ê bînî de nêvindeno.
Tîya eşîrî estê, her eşîre goreyê xo ya
Fikrê neteweperestîye nêresayo tîya. No zî çîyêde zaf hol o. Nê serranê peyênan de tewr vêşî zî serekkomarê Tirkîya Erdoxan timûtim ano ser ziwanê xo vano “Yew dewlete, yew netewe, yew ziwan, yew o”. Nînan zaf paweno. Dîn û mezhebanê bînan çin hesibneno. Duştê înan de vindeno. Ma naye bi hewayo çors fekê Erdoxanî ra heşnenê. Labelê no fikro zal û sereke yê heme dinyaya neteweperestan o. Dinyaya şaran zafrengin a.
Herêma Şingalî de şarê ma yo êzîdî mîyan de yewrengî çin a. Demokrasîya kan a ke hezaran serrî yo Rojhelato Mîyanên de esto, no şarê tîyayî de zî yeno vînitiş. Herçiqas demokrasîya înan modern nêbo zî, demokrasîyêda goreyê urf û edetê eşîran, goreyê urf û edetê şarê ma yê kurdî yo. Vera yewbînî de tedakerdiş hîna kêmî yo. Şingal de zemînê winasî zaf weş esto. Heme cayanê Kurdîstanî ra vêşî, qasî mi vînayo, Şingal de, şarê Şingalî mîyan de fikrê rayber Ocalanî şêno aj bido, şêno hîna vêşî nê komelî mîyan de kiho bibo. Şarê ma yê tîya hîna vêşî ciwîyayîşo komunal ser o yo. Ameyîşê gerîla û şorişgêranê PKK ra dima, tîya fikrêde newe ca bîyo. Ameyox de tîya do hîna vêşî bireso felatîya xo. Azadî û demokrasî do ca bibo. Bawerîya êzdayetî fikrê Ocalanî reyde game bi game raver şinê. Şarê ma yo êzîdî do bi no hewayî xo biresno hedefê xo.
êzîdî mîyan de yewrengî çin a
Keko AZAD, Ez Toré serkewten wazeno, tiyara hetanî şengal slamané xwé german rişeno.
Spas Şaban. Êdî Şingal zî sey verê nîyo. Şarê tiya heme cayanê Kurdistan ra hêz geno. Şingalî zî selamanê xo şawenê heme hetê welat û teberê welat. Ewro ruhê pêroyê kurdan bîyo yew. Xora do no ruh serkewo.