Weçîntîşo ke emser di reyî bî, qedîya.Hesab û kitabî dewam kenê. Manîpulasyon û rojevê serebûtî, kelecanîyê şaşî kerdê lastik, kamî ke nê kayî de nê lastikî çiqas ke ant. Cêr û corê medya û rojnameyan, televîzyon û radyoyî, keyepel û medyayê sosyalî ebe nê hesaban û nê rojevan gurma- gurm ê.
Qet sareyê xo medajnê. Ne hastîye, ne herb, ne sukutîye, ne çareserîye… Qet çîyêde zelal çin o. No hesabê weçînitîşî hîna zaf dewam keno. “No mişte, na awe hîna zaf îdare keno”. Ne xem bikerê, ne keyf bikerê. Sebebê keyf û xem kerdene çik o?
Eger ke şima ebe sîstemê Tirkîya, ebe weçînitîş persê Kurdan çareser kerdene ra înam kenê, helbet ebe nêtîceyê nê weçînitîşî xem bikerê, la ez na şaşîye ra qet înam nêkena, coka seba mi zaf muhîm nîyo.
Her kes goreyê hal û merhaleyî çîyê vano
La çîyo ke ez xem kena, esto: Kamî ke kerd, kelecanîya xirab û çewte kerde rojeva şarê ma. Ebe nê atmosferê xirabî şarê ma kerd binê tesîrê rojeva lastikan. Çike qet nînan ra prejeyê xo yê “çareserîya persa kurde” çin a.
Ma yê HDP esta, şima vanê?
Ney keko, ney, çin a. Heta nika şima şikînê nameyê wastişê esasî yê na partîye bihûmarê? Zaf bî, seba ke “zaf bî”, çin a. Musrafa Karasu dima weçînitişê peynîye de hîna vano: “demokrtîk ulus” (neteweyo demokratîk). Tayê vanê “ozerklik” (otonomî). Her kes goreyê xo û goreyê rewşa rojeve, goreyê hal û merhaleyî çîyê vano.
Heyf o, guna ya no şar.
No şar qefelîya. Ya seba “demokratbîyena Tirkîya” ya zî seba “dewletbîyena Kurdîstanî” waştişê xo zelal bikerê. Eke şima seba “demokratbîyena Tirkîya” wayîrê planî yê, herbî caverdê. Seba naye qet herb luzum nêkeno.
Cemîl Bayikî nê rojan se vatbî? “Ma, AKP kerdêne ser û bin, serekê ma nêverda.” O ke şima vateyê serekê xo kenê, xo meqefelnê, şarê ma zî mexecelnê. Ez nê kayî de çin a.
Ez nê kayî de çin a
Nika zî waxtê serekîya Erdoganî yo. Tayê waxt zî ma nîya xecelnenê. La no mabên de ebe nê halî vîst serrî dime bifikirê, o waxt halê ziwan û kamîya ma, halê rastîya ma se beno? Ebe nê haybiro û axirserî domanê ewroyî, yew nefşo newe, ziwanê xo ra kîpa-kîp dûrî benê, visînê.
Lemin, lemin! Bêrê ra xo!
Eger ke Kurdîstan de, şehr û sûkan de, bazaran de, kolon û kuçan de ziwanê ma biameyêne qisey kerdene, xora AKP-MKP bi xo vîndî kerdêne. Hal yaman o. Ez bi xo zî ge-ge qalê ziwanî yo ke “sebebê bîyene û çinbîyena ma wo”, ê qalkerdişî ra eciz bena.
Sîyasetê ewroyî, seba ziwanê ma zî, çi heyf ke bîyo asteng. Weçînitiş de, bê HAK-PARî, qet yew partîye TVyê dewlete de ziwanê xo qisey nêkerd. Gelo se bî ma rê? Gelo şima hetkarê zafîye yê, ya hetkarê rastîye? Eger ke zafîye biheq bîyêne, welatê Çînî dinya îdare kerdêne. Coka yew fikra esta, şima ra vajî:
Swîsî hêrişê welatê Çînî kerdo. Xebere danê serekê hukmatê Çînî, vanê ke “Serek! Swîsî hêrişê welatê ma kerdo, kewtê welat”. Serek vano: “Kamcîn otel der ê?”
Hem o, hem no nêbeno
Eke şenikîye neheq bîyêne, Kurdîstanê Başûrî azad nêbîyêne. Nika zî ver bi dewlet bîyene şonê.
Helal bo!
Qey? Çike waştişê xo de zelal ê. Gelo şima fam kenê? Bi nameyê stratejî û taktîkan, wastişê esasî ser o kay mekerê. Ya heqê dewletbîyena Kurdîstanî ya zî demokratbîyena Tirkîya! Hem o, hem no nêbeno. Kes kesî mexapno.
Keko, ena dinya de, çi miramê to estê, Homa bero seri.
Ez verniyê şarê ma hol nêvînena, ena xerabî eger rayîrê azadiyê Kurdistanî de bo, no wext merdim zerweş benê. Labbelê, sey to zî îşaret kerdo, waştişê ma zelal nîyê. Ma nêzanê ma se wazenê.
Ez nizanim derbarê vê meselê de çi bibêjim kekê delal, bi rastî jî gotinên te rast in. Ez her tim bi baldarî nivîsên te dixwînim û pê kêfxweş im ku keyepeleke wiha delal (profesyonel û layiqê gelê me yê mezlûm) heye û tu jî tê de dinivîsî.
Bila Xwedê ya bixêr bike nesîbê gelê me.
Kamco bixeyra Homa ay bikero.
Dembaş kekê delal.
Zaf silamî.
Bira Ilhami no kaye newe niyo, cend serro ro ke tirki made niya kaykene. 10 serro rek siyasete kurdi no kayi made kay keno. Ju welate ma erzeno cop, iye bin sono raye tirkan… A roze wekila Colemerg Selma Irmak ju ajansa dugeli ra vana ke “Ma devlete newazeme”, di roze tepiya (vijer) polise tirkan Colemerg de qursune pilastik ra nane gose Selma Irmak u aye kene dirbetin. Nika trajediye Selma Irmak ju misale trajediye politikaya sare Kurdano. Ewrek Figene u Hatip Dicle vato ke bi serebute Silwan mesruiyete dewleta tirki kuno bine risk. Eke mesermayeye na serre berbene.
Hata ke siyaseta Kurdan raya xo bi cepgire tirki ciya nikerd, sere sare ma ser hewre siyay cerekine. Ma kirmance Dersim no kay inan de kay kerd u zof rind miseme ke tirkira mare care cina.
Bi bireziye