Nameyê beşdaranê Forumê Ekonomîkî yê Dinya (WEF) bîyî eşkera. Forum de ke emser reya 45. Swîs Davos de yeno viraştene, tey serekê Herêma Federal a Kurdîstanî Mesûd Barzanî kî beşdar beno.
WEF mabênê 21. û 24. gucige de yeno viraştene, tede dorê 2.500 temsîlkarê ekonomî û sîyasetî yê dinya beşdar benê. Temaya emserrêne “Kontekstê Dinya yo Newe” yo, ney tede des astengê tewr muhîmî yê dinya mewzû benê.
Forum de 280 kombîyayîşî estê. Nînan ra merdim besekeno 100 teneyan Înternet ra cande seyr bikero. Mesûd Barzanî do beşdarê kombîyayîşê bi sernuşteyê “Çareserîya Krîzanê Jeopolîtîkan” bibo. Barzanî de pîya beşdarê panelî kî serekkomarê Misirî, qiralê Urdunî, serekwezîrê Îraqî û serekkomarê Ukrayna yê. Aye ra kî dot welatanê dinya ra xeylê serekkomar û serekwezîr WEF de estê.
