Wezîrê Tirkîya yê Enerjî û Madeyanê Xaman da zanayene ke neqlîyato 46. yê petrolê kurdan Tirkîya de bar bî û ame rusnayene pîyaseyanê dinya.
Wezîr Taner Yildizî da zanayene ke o do roja bazarî wezîranê Îraqî de bêro têlewe. Kombîyayîş de mewzûyan ra yewê kî peymana Hewlêr û Bexdadî ya. Heta ewro Hewlêr û Bexdad derheqê îxracatê petrolî de pênêameyî.
Boyna, ame dayene zanayene ke Herêma Kurdîstanî heta nika 37 mîlyonî varîlî petrolî rusnayî Tirkîya. Her roje 450.000 varîlî îxracat benê bi Tirkîya. Yildizî ra gore na hûmare do bizêdno bibo 550.000 varîlî.
