1. gulane bîyo nêzdî, qal û qirê dewlete jî bîya zaf. Nika bandure kewta deste AKP. Çend serrî yo ke AKP kedkar û şaranê mezluman nêverdana nêzdîyê Taksîmî.
Ti vace qey?
Hukmdarî, zordestî her tim wayîrê ters û xofêde pîl ê. Çimkî hukmdarî serê emeg û kedê karkeran û bindestan roniştê. Wexto ke kedkarî û bindestî amey têlewe, hişarê jubînî bî, yewîya xo viraşte, dest da jubînî, o wext pay û textê zordestan çirkîyê ginena piro û şanîno we. Ters û xofo pîl jî o ca ra yeno holê.
***
Belê, şima rind zanê, çend serrî naye ra ver serekwezîrî vatîbî:
– Ayaklar ne zamandan beri başı yönetiyor, buna müsaade etmeyeceğiz! (Heta çi wext lingî hukmê sereyî kenê? Ma destûrê naye nêdanîme!)
Çike çimê serekwezîrî de kedkarî, şarî, cinî û kesê bînî taximê lingan ê û gerek firsend nêdîyo ci.
Coka Taksîm yasax o.
