Rîyê gumankerdişê sermayegozeran û krîzê deynan ra pîyase de erja zerrnî bena berze. Nika fîyatê zerrnî juna (yewna) rekor şikna: roja 08.11.2010 fîyatê zerrnî 1400 Dollarî ra zêde bî. Hetta 31.2 gramî zerrnî reştîbî 1408 Dollarî. Rekoro kan 13977,85 Dollarî bî.
Sebebê nê fîyatberzîya zerrnî zêdîyayîşê pereyê Dollarî yo. Bankaya merkezî yê DYA, seba ke konjunkturê welatî rind raver nêşîyo û para bêkaran zêdîyaya, roja 03.11.2010 de 600 mîlyarî Dollarî rê tahwîlê dewlete herînaybîy. No yeno ra a mana seke banka bi xo pere çap kerdo. Aye ra tersê enflasyonî ver xeylê sermayegozarî zerrn herînenê ke sermayegozarîya pête bicêrê xo dest.
Jê (Sey) sebebo bîn kî krîzê deynan ê Ewropa say beno. Bitaybetî teklukeyê înflasî yê Îrlanda naye de rolêde muhîm kay kerd. Pisporî guman kenê ke dewleta Îrlanda paketê xo yê tedbîranê tesarufî besenêkeno parlamento ra bivîyarno. Garantîya zafêrîya parlamentoyî îta (tîya) de çin a.
Bi (ebe) Euro fîyatê zerrnî 1010 Euroyî bî. Rekorê Euroyî 1040 yo.
Bra iyeke zerne xo este keyf iye yino…made zern mern cino jü nistaneme esto oq pere nekeno:)
Bira eqe tî nistaneye xoye zernin Tirkîya ra gureto, qimete ey cîno, cike zerne Tirkiya eqe mordem rot qe pere nikeno.
Fiyate zern 20 serre de bi bonc qet, labele taye pîsporî vane ke gerekeke erjaye zern biyero war.