Muslumanî rojeyê xo yê Remazanî roja 11.08.2010 ra tepîya cênê. Muslumanî na aşme de werteyê eştiş û koroşîyayîşê tîje ne çîyê şimenê ne kî wenê. Welatanê şîîyan de rojeyê Remazanî roja 12.08.2010 ra tepîya yeno girewtene. Her şewa rojeyî bi werdiş yeno rakerdene.
Rojeyê Remazanî îslamîyet de panc (ponc) şertan ra yew (ju) yo. Gerek ke her musluman roje bicêro. Aşmanê rojeyî de şimitena cixare û munasebetê cinskî qedexe yê. Wexte rojeyê Remazanî goreyê serrnameyê aşme yeno hesibnayene, no semed ra wextê aşma Remazanî her serre cîya yo.
Tayê welatanê ereban de ame vatene ke kesê ke musluman nîyê, teber de nan (non) mewerê, tebayê (towa) meşimê ûsn. Tayê konsolosanê welatanê dugelan kî da zanayene ke şarê bînî ke welatanê muslumanan der ê, semedê rêz ra rojeyê Remazanî cênê.
