Mîmî Rogers û Nîcole Kîdman ra tepîya Katîe Holmes kî estareyê sînemaya Hollywoodî Tom Cruîse caverda. Naye ra hîrê cinîyê Tom Cruîseyî 33 serran de ey ra bîyê cîya.
Tom Cruîse nê rojan de kewt 50serrîya xo û no taw fîlmê “Oblivion” çarneno. Cruîseyî waşt ke girewa ke ser o fîlmê xo anceno, tede roja mayaxorabîyayîşî ya xo bimbarek bikero, labelê xebera sîya ya a roje ra raver ame, çike cinîya xo qerarê xo yê cîyabîyayîşî eşkera kerd. Na xebere ser o Tom Cruîseyî girawe bi helîkopterê û rîyêde matmende hêdî-hêdî terk kerd.
Tom Cruîse û Katie Holmes serra 2005 de Parîs de qerarê zewijîyayîşî daybî, yew serre ra tepîya nêzdîyê Roma de bi veyveyêde Scîentology zewijîyaybîy. „Los Angeles Times“ humara xoya peyêne de manşet de da zanayene ke “Tom zaf mirozin o”. Labelê hîna nêno zanayene çayê çêyê înan hîna çîp rijîya. Hewteyo ameyox de vilakerdişê dewlemendîya di estareyanê sînema dadgehan de beno lej û cengo qilêrin, çike her di kaybazî wayîrê pereyê 217 mîlyon Dollarî yê.
(Resim: ian_fromblighty)
