Pîrîkami her waxt mare qisey kerdene ke zerrîweşiya ju îson tena serre harde welate xo de u ebe ziwane xoye mayudayîka xodero. Belka her kes no raştiye rind zoneno, labele çerxe asîmîlasyone girane dewleta Tirkî mezge şarre ma kerd tewerte. Xeleşiyayise bine no mezgtewertisra u zerrîweşîye zone ma hona beno. Labele gereke raver ma kirmancî vayîre zone xo biwejime u serre na di u hîre serrî de gereke zone ma perwerdeye mecburî bîyero ronayis. Hete bînrak kare standardîzekerdise zonî raver şero.
Ma pore zonemeke zone maye delal, ebe belka 3.000 serrîya xo bintengîye dero. Domenî zone asîmilekerdoxî misene, kalîk tornune xode ebe na zon qisey kene. Endî no gerekeke peynîye bo. Endî ez sirme xode vînen ke cence ma tena zone xode qisey kene, huyîne, bene mirozin u herîsin. No modayê zone ma gerekeke her cade biyero viraştene. Ez çimune xore besenikerdne ke bawer kerine ke nî cencî werte 5-6 asmîde zone ma nîya rindek xebîtnene. Nuk mare musneno ke musayişe u qiseykerdişe zone ma hen çetefil niyo, tene sebr, tene esq u hes ra no beno raşt.
Ebe no nuşteyê kilik ra ez vazenke wendoxî Dêrsiminfo re mawexyer vajine. Nara tepiya na kose xode ebe zone mayo delal, wes u bimbarek fîkre xo an ramitene, nuşteyene. Serwa Dêrsiminfo ma onca zone xo ebe çimane u mezge xo simit, gonya ma onca bî zone ma bî pirr. Emege şima hêcayo.
