Ajansa ratîngî Fitchî derheqê deynanê dewleta Tirkîya raporêde negatîf weşanaybî. No rapor ra tepîya borsaya Tirkîya de rotişan dest kerdîbî ci. Bi Bankaya Merkezî ya Tirkîya ra xeylê sermayegozaranê dugelan (duwelan) bawerîya xo bi ekonomîya Tirkîya kerde vîndî û coka senedanê xo lerza lerze roşenê.
Tirkîya kî besenêkerd ke raxelisîyayîşê ekonomîya Yunanîstanî ra kar bikero. Lîraya Tirkîya hîna duştê Euro û Dollarî de erja xo kena vîndî. Pisporê Citi Groupî vanê ke no trend do hîna dewam bikero.
Fîtchî raporêxo de dabî zanayene ke kêmasîyê bîlançoyê Tirkîya zaf rîskant ê û goreyê ameyeyê brutî yê zereyî ra na kêmasîye kî bi 9% bîya zêde reşte 68 mîlyarî Dollarî. Fonê mîyanneweteyî yê dovîzan texmîn keno na kêmasîye emser zêdîna bi 10,5%. Ser o kî kredîyê bankayî bi 36% estê.
