Zerdeşt (Zerduşt) pêxamber û fîlozofê magîyan o. Yunankî de Zerdeşt be çekuya “Zoraastres“ yeno namekerdene û nîya na çekuye vêrda ziwananê Ewropayî yê bînan. Oryentalîstê fransizî Anquetîl Duperronî ra gore Zerdeşt wextê medan de 77 serrî weşîya xo ramito. Kitabê Avesta ra gore nameyê pîyê Zerdeşt Pîrhaspîra (estoro belekin) û nameyê maya xo kî Duxdu (yakî Exdube) bîya. Mezela aye dewa Enbe ya Tîrgewerî de nêzdîyê Urmîyaya Rojhelatî de ra. Nufusê tîyayî kurd o, ci ra vanê “Kurdistanê Kûr” (Kurdîstano Xorîn).
Zerdeşt 23serrîya xo de Koyê Sebelanî ya kî koyêdo bîn nêzdîyê Hewlêrî de xo anceno nêzdîyê Heqî. Tepîya, îtîqadê zerdeştan ÎV (Îsayî ra ver) serra 575. de Urmîya de dest kerdo pê. Eke o bî 40, qiralê Fryana Vîştaspa bawerîya xo vurneno hetê zerdeştênî ser. Nîya welatê medan de bawerîya zerdeştîye bena populer. ÎV serra 508î de be 77serrîya xo zerdeşt çimanê xo padano.
Fîlozofîya Zerdeştî yê yunanan ra xeylê seserrî ra ver ca girewta. Fenîkîyan û frîgan ser a reso yunanan. Zanyarê Îranî Elî Şerîatî kî kitabê xo yê “Modernîty and Civilisation” de nîya nuseno “Kurdan felsefe salixê yunanan kerd.” Heto bîn ra kî Bertrand Russel kî ano ziwan ke kokê sîvîlîzasyonê yunanan de Mezopotamya esta. Nîya fîlozofanê tewr girsan ra Nîetsche kî Zerdeşt sey fîlozofê tewr verên û kanî hesibneno.
