Xortêde kurd bi nameyê Mahîr Çetîn şaristanê Tirkîya Antalya de qurbanê hêrişê faşîzanan bî. Sey netîce, Çetînê 20 serran heyatê xo da.
Xebera DÎHA ra gore, Mahîr Çetîn û xalîzayê xo Vedat Çetîn roja 3. êlule de yew otelê Antalya de ke Mahîr Çetîn tede gureya, rastê hêrişê 20-30 antî-kurdan bî. Sey netîceyê nê hêrişî, Mahîr Çetînî semedê dirbetananê xo ra gonîameyîşê mezgî dî, heyatê xo da. Vedat Çetîn kî bî dirbetin. Raporê otopsîya meyîtê Mahîr Çetînî semedê merdişê ey tesdiq kerd.
Mahîr Çetîn ke hetê keyeyê xo ra 5. êlule Êlih de ame wedardene, Antalya de hewt kesî binê nezaretê Mudirîya Asayîşî der ê. Nê hewt kesan ra şeş teneyî amey serbest kerdene, tena yew kes bi nameyê Mehmet Alî Çakmakî hîna binê nezaretî der o.
Melumatanê Vedat Çetînî ra gore, ey bi Mahîrî ra pîya bi kurdkî xoşebere kerdene, dima Mahîr Çetînî zereyê grûbe de ke badêna hêrişê înan kerd, xeletîya ra va qey yew kes maneno ro hevalê xo. Naye ser o grûbe û Mahîrî mîyan de werênayîşêde qij vejîya. Qiseyanê Vedat Çetînî ra gore Mahîrî peynîye de ozrê xo waşt û şî. Demê ra dime eynî kesî grûba 20-30 kesan de ameye Mahîr û Vedat Çetînî het û bi girmik û paskulan hêrişê di xalîzayan kerd. “Ma ra ‘ondêr kurdî’ va û milqî day perray ma ser. Mi ceribna ke Mahîrî biseveknî, la înan ke yew şîşa bîra da sereyê mi ro, ez xo ra şîyo. Badê, mi xalîzayê xo kerd vîndî”, Vedat Çetînî qal kerd.
Keyeyê Çetînan kiştişê Mahîr Çetînî şermezar keno û no derheq de kî muraceatê Komela Heqanê Merdiman (ÎHD) kerd.
Mirene yaki asimile biyene, hale Kurdano caye Demokratik Cumhuriyette. Ginevarise niyan asteye Sey Rizay, asteye Sey Seid dezneno. No heyat cike ko, hen yeno sono verino, labele prensipi, royi u xoriye pey de maneno. Ya ziwane, fikre u kulture xo de ciwiyayis, yaki ziwane, fikre u kulture xo de ciwiyayis… Raye bini qilerine, cinbiyayiso, merdena… Na sarri endi kes besenikeno ke bixapno, bivurrno, bikisso… Mahir Cetin necariya Demokratik Cumhuriyeto, qurveno Biratiya bi dismeno… Esqe dismen esqe dehaqo ke hete Kawa amey bi cinkerdene… Dismen de yaraniye u wertaxene merdena cencena mawo… Ma ney qe qebul nikeme Ocalan… Ti mi hesnena???