Nuştoxê kirmanckî Îlhamî Sertkayayî romano xo yo hîrêyin qedêna. Kitabê 600 rîpelan bi nameyê “Şewa Payîzî” weşanxaneyê Nas Ajansî de vejîya.
Sertkayayî derheqê nuştişê romanî de vateyo verên de nîya vano: “Planê nuştişê nê romanî rew ra aqilê mi de estbî, la karan û wextî firsend nêdabî mi ke ez dest cikera. Mi ke firsendo verên dî, dest cikerd. Nuştişê ey nêzdîyê çar serrî wext girewt.” Derheqê muhtawa de nuştox vano ke “Şewa Payîzî de serebût, huzin, têkoşîn, xem, bandûra camêrdîye, zurekerîya teorî û pratîkî esta. Tena nê çin ê; rastîye, zelalbîyene, kamîye, eleqedarî û têkilîyê komel û însanan, alternatîfan û çareyan ser o fikrî zî estê.”
Redaktorîya romanî Mutlu Canî kerde. Şewa Payîzî keyepelê Nas Ajansî yan kî Ewropa de e-mailê Sertkayayî hesretamagirana@live.nl ra peyda bena.
