Fermandarê Qerargeha Merkezê Seveknayîşê Şarî (HPG) Murat Karayilanî Mednûçe de qisey kerd û tey qala weçînitişê parlamentoyê Tirkîya kerd.
Weçînitişo ke 7. hezîrane Komara Tirkîya de yeno viraştene, tede partîya HDP hêvîya xeylê kurdan a. Seba ke serfiraz bo, ganî HDP barajê rayan ê %10 bivîyaro ke parlamento de ca bicêro. Derheqê weçînitiş û serebûtanê bînan de Karayilanî qisey kerd. Vatena ey ra gore, HPG sey harmeyo çekdar ê PKK, do heta ke weçînitiş nêqedîya, qet çalakîya şidetine nêvirazo. Îstîsnayî tena xoseveknayîş ê.
Karayilanî ra gore artêşa tirke aktîvîteyê xo kerdî tenêna berz, hîna zaf qereqol, mevzî û rayanê eskerîye virazena. Wext ra wext kî zaf nêmendbî ke gerîla û eskeranê tirkan mîyan de pêrodayîş vejîyo. Karayilan vano ke o bi xo hêzanê HPG ê Tirkîya de kewt îrtîbat ke sakîn bimanê. “Hedefê HPG yo nikayin o yo ke operasyonî çin bê. Seke rayaumûmî zanena, gerîla bi baldarî hereket kena. (…) Ma ceng nêwazenîme. Ez nêvana ke ma heto teko aştîwaz îme, la ganî ma ney qebul bikerîme ke artêşa tirke bi zanayîş ceribnena ke ancîya ceng bivejîyo. Destpêkê weçînitişî ra bi nat, hukmatê AKP na mesele sey stratejîya weçînitişî gurenaya, ciddî nêdîye yanî.”
Pê HDP ajandaya “yew netewe, yew dewlete, yew ala, yew ziwan, yew kultur, yew dîn” vilêşîna ro
Derheqê partîya HDP de Karayilanî va ke a partî partîya pêro grûban a ke Tirkîya de temsîl nêbenê, sey kurdî, armenî, sûryanî û çerkesî. “Qerarê HDP ke sey partîye bikewo nê weçînitişê ameyoxî, ma rê hedefê rijnayîşê barajê %10 musneno. Nîya grûbê marjînalî yenê parlamento û Tirkîya hîna demokratîze bena. Problemo sereke yê Tirkîya problemê îqtîdarê bêsînorî yo. Projeyê HDP coka muhîm o, çike bi rijnayîşê barajî ajandaya Erdoganî ya ‘yew netewe, yew dewlete, yew ala, yew ziwan, yew kultur, yew dîn’ vilêşîna ro.”
a roza bîne amê Pulur va ke başkanê sima kî komunîst o ma reyê xo dame HDP domane ma pêre HDP ê. anca roza bîne helîgopter ma sare ma ser o çerixnêne vane CHP ha CHP. bira derde ma komunîzm nîyo CHP kî dermane ma nîyo. ez seweta Dêsim reya xo dano HDP çike Dêsim cayê tirkan nîyo caye kirmancanê ma wo kimance HDP
Li gorî ragihandina HPG, tevgera leşkerî ya artêşa Tirk a li Kurdistanê bê navber dewam dike. Dewleta Tirk her demê hilbijartinê provokasyon dike lê hevalên me sakîn dimînin çimkî zanin ku ev hilbijartin ji bo me kurdan gaveka girîng e. Bijî PKK Bijî Serok Ocalan!!