Vakur de seba Kobanê protestoyî
Tirkîya û Kurdîstanê Vakurî de protestoyê şidetinî seba şermezarkerdişê rêxistina terorîste “Dewleta Îslamî” vejîyay. Xeylê cayan de polîs û protestokerdoxî kewtî tê, kuçeyan de pêrodayîşî qewimîyay. Polîsî bi mermîyanê rastikênan hêrişê protestokerdoxan kerd. Kurdîstan de bîlanço gonin o: hûmara merdeyan vejîyaya 23, bi seyan kesî kî dirbetin ê. Xeylê şaristananê Kurdîstanî de kî çalakîyî dewam kenê.
Îstanbul û tayê şaristananê bînan ê Tirkîya de kî protestoyî bi şidet û merdeyan vêrdî ra. Zafêrîya qurbanan bi çekan amey kiştene. Hetê Îstanbulî ra xeberê ke faşîzananê radîkalanê tirkan tayê protestokerdoxî kiştî, vila bîy. Dîyarbekir de 10 kesî heyatê xo day, Mêrdim de 5, Sêrt de 3, Êlih, Mûş, Wan û Edene de yew kes.
Kirmanc u Tirki biray niye, dismene. 100 serro re ke gonya ma wene u hona mird nebi. Ci qasi ke inan ra durri sime, honde mare rehetiya esta. Doste ma, ma jumin be, doste ma Israil u Amerika yo. Neyra qeder Ereb u Tirki mare biray niye. Kamoke ney endi niveneno, ya ajane inuno, yaki gonya xo zerre lesa xo de cemediya. Endi waxt waxte raye xora siyena, kamoke biyo ajan u biyo asimile, inu ma xelate tirku u erebu keme, mare endi lazim niye.
Juk vazen ke vajine, Kurdistan de siyaseta din u itiqat nebeno. Partiya heqi, elewi yaki Zerdest mare lazim niyo. Ebe itiqat siyaset nebeno, no heqereta itiqata. Hizbullah u inisiyatife azadiye ney rind mezge xo kero. Mare siyaseta dini ney, mare ju dewlete lazimo. Kamoke vazeno, raye itikate xode sero, labele kare inan siyasette cino.
Ma bı xeyr.
Tayn nuşteyi esti gama merdım inan waneno qayil beno cewab bıdo; ya düşt de vejino rexne keno ya hetê ey de beno paşti dano yan zi çiyê ke behsê inan nibiyo nuseno, yani fıkrê xo vano. Nuşteyê Meymanê Usari zi, mı de hewesê cewabnuştışi tehrik kerd.
-Fikrê bırariye baweriye ra yeno, her baweriye, ha ilahi ha beşeri, mensubanê xo miyan de no fıkır vıla keno. Huquqê bırariye de hes kerdene, paşti dayene, ardimkariye … esta. Zilm, zordariye, neheqiye … nêesta. La Tırki gama vani ma bırar ime, ğayeyê inan nekı Kırmancan sey xo ju mıllet vineni heq u huquqê inan ê mılli qebul keni, no vate ra ğayeyê inan şıma ki sey ma eyni zoni qısey bıkeri, bin beyreqa ma de seba welatê mayo wertax gani xo bıdi, xo yewna mıllet mehesınbi yo, yani çiyo ke ê wayirê inan î seba Kırmancan nêwazeni. Pêxamberê islami wina vato: “çiyo ke tı seba xo qayil, i heta ke tı seba bırarê xoyê bısılmani zi qayil nibi tı tam bawermend nêhesıbini.”
-Meseleya dışmeniye de; ma çıqas xo inan ra duri bıtepişi hende rehetiya ma esta la inan dır dışmeniye kerdış hina zaf zırar dano ma, meseleya ma meseleya verg u mêşna ya, qewetê ma inan nêreseno. Hem partiya ke iradeyê Kurdan gıroto bin kontrole xo no noqta de çı pırjını ser vıst. Hema seba çareserkerdena meseleya Kurd çı wazena belli niyo. Derheqê lehçeyan de bira programê aye nêesto. Coka ma mecbur i gani seba bırariya raştikine bıxebıtıyi, gani waştışê ma net bo, mesele federasyon yada juna çi.
-Hetê baweriye ra gama ma va ma Tirk u Ereban dır bırar ime no nîno no mana ke ma dewletı nêwazeni ma bandoriya inan qebul keni, din no ma ra nêwazeno eke bıwaştine Erebi bı xo wayirê hende dewletan nibiyni. Eke ebe vatışê bırariye ma yenime xapinayene no qebehatê ma yo, ê dini niyo. Panc gışti yew nibeni, sey Kurdan yew mılleta gırde miyan de, ke çar dewletan miyan de bar biya, fıkrê ciya-ciya biyene ğayet xozayi ya. Mühim ayo ke her kurd neteweperwer bo. Wayirê erjani xo vejiyo nêke wa her kurd bêro bın ju parti de ca bıgêro vatış rast niyo.
-Siyasetê din u itiqat her wext u her ca de baxusus Kurdistan de beno. Labelê eke tayn merdime vaji ma destur nidanime, o çax bırakujiya ma nêqedina.
-Bi waştişê ma dır İsrail u Amerika dostê ma nêbeni, her dewletı menfaetanê dıma ya, eke menfeatê inan bibo ê ma dost bıhesıbni ma zi gerek dostaniya inan ra nêremi, gerek ma zi menfeatanê xoyê mılli bıgêri çiman ver. İta de, no mesele de gani din ma rê nêbo asteng. Qey hende dewletê bısılmanan Amerika dır ittifaq keni din inan rê nêbeno mani, eke Kurdan rê mani beno no nezaniya Kurdan a.
Bira Serdar, ma be dyer di, seba eleqeye u siroveye sima, wes be.
Merdim gerekeke raver tarixe xode niyadero u tecrubeye tarix sero qisey bikero. Neyra ki durri, tecrubeye welate bini ke waxte xoye modern ciwiyene u mara xeyle 100 serri raver siye, analiz bikero.
– Heqa sima esta, her sarri kara xode niyadano. Labele sare Kurdan ra qeder sare bini qe birayena qal nikqene. Russi qe nevaneke Rus u Almani biraye, yaki ALmani qe nevaneke Alman u Fransizi biraye. Na ju newesiya qana sarre mayo. Cike ebe qaye birayene Tirk u erebi ma xapna u na semeda hata nika ma besenikerd ke dewleta xo bironime. Nika YDA keno eskera, Kurd ke bibe yewin, besekene ke dewleta xo birone. Mesela mordem gerekeke analiz bikero ke verre na yewbiyayis de ci esto. Ma gerekeke ney raye xora wedarime.
– Dismeniye xo virra kerime, temam. Labele kara Kurd u Tirk, kara Ereb u Kurd ju niyo. Harde inu ke bi jede harde ma beno senik, make bime dewlemend i bene feqir. No rastiya u diyalektige mayo. Juk tarix te 1400 serro re ke ni di milet ma qirrkeno, qiseno, asimile keno. Ajiya tarix ma gerekeke xo virr mekerime, o waxt je DAIS onca tarajediye newey yene dersa tarix anera ma virri.
– Din qetiyen caye xo siyaset te cino. Se ideolojiy, birayene, qaye dinik hete Tirki u Erebi hata nika rind ame xebitnayene. Ma ke qayit kerd, zerre DAIS de 400 kurde Bakur u 600 kurde Basur este. Na semeda Tirki Elewi bi kemalizm, bi komunizm xapna, Kurde sunnik bi ummetiye u din xapna. Verre netewibiyene no di rastiye mordem gerekeke verre cimane xora mevezo. Siyasetkerdena dini Kurdi Erebuna kopya kene, eke xeyre ney biyene nika Erebi dugele binra raver siyene. Kurdistan se Fransa beno laik, din u politika bena ciya. Herkes besekeno ke itiqate xo dime sero, labele siyaset de caye din cino. Cutir beno ke mordem kare na dinya ebe kare dinya bini ju kero. Na semeda caye Hizbullah, Alevibullah, Zerdestbullah, Hudapar, Heqpar, Xudapar siyaset de nebeno. Enstrumente niyanen xora hete Erebi u Tirki yeno xebitnayene. 1990 de kadroye delale Kirmanc bi deste dewleta Tirki hete Hizbullah amey bi kistene u hona yene kistene. Kurdistan de ez siyasete de partiye dini nevazen, yaki caye me uska de cino. Ma din u ideolojira zof onitme, endi beso. Be azadiye xora din u ideoloji nebeno. Qayite Filistin kere, din inan ard kot… Siyaseta ma tena keno parce, ju welat de ke dine siyaset bi, minoriteyi kune bine capamaniye… Na semeda welate Ewropa laik e.
– Tekele ju pratige Kurdistan de nebeno, heqa sima esta. Muhafazakari, raverkeri, capgiiri, rastgiri, netewistkari gerekeke caye xo siyaseta Kurdistan de bicere.
– Israil u YDA hevale maye, cike menfaate ma juyo. Rojhelate miyan de tena Israil kerd eskera ke dewleta Kurdistan naskene. Cike ik teynare u xora partner saye kene.
RAYE KURDAN YEWIYA, NETEWIYA, FIKRE U DEWLETA KURDAN A U PARTNERE RASTE. DIN KE CAMI RA, ZIYARUNA, QILSA RA VEJIYA JU MILET KENO PARCE. CT (Cumhuriyeta Tirkiya) ney mara rind zone ke, Dersimizu dime Komunizm ra beno, Elewira her roze Cemevi virazeno u destege partiya islamistu keno, CT rind zoneneke niya Kurd juminra durri sone.
Sima bimane wesiyede