Seba ke artêşa tirke tumê dewa Havigê Paxî yê Pulurî bi topan bomba kerdî, birrê tuman de şewat vejîya.
Havigê Paxî nêzdîyê Halvorî de û Mamekîye ra 13km dûrî yo. Perey şan de hetê qereqolê cendirmeyan de semedanê nêzanayan ra adir bî we. Eskeran bi topan ware û tumê dewe bomba kerdî. Seba ke vaşê wareyan huşk o, birr veşa. Veşayîşê birrî tumanê Havigê Paxî de lezalez bî vila. Seba ke warê şewatî rê raye çin bîye kî, ekîbanê weşaynayîşî yê Mudirîya Xebitnayîşê Birran verê besenêkerd mudaxaleyê adirî bikerê. Dima, bi ardimê dewij, karkerê beledîya û ekîbanê xebitnayîşê birran şewat ame ardene binê kontrol.
Sebebê bombakerdişî hîna nêame dayene.
Na dewleta ondere her çiye ma vesna. Zone ma wesna, kulture ma vesna, itiqate ma vesna, welate ma vesna… Tepiya owera çemena ma kerd pirr, vazeneke koyena ma bixenetne… Masena ma owa xode kist… hona mird nebi… taye domene na welat si siya kirrkerdoxe Musto Kor, taye si siya çepgirane kemaliste tirkan… taye si koyan, gonya xo risna ke na hewre tarri vind bere, çi hefyo ke raye inanik ame Anqara vurrnene… Dramaye kane Yunani loye dramaye made tena ju epik o.
Labele se bikere bikere, girmika Kurdistan nejdide na perdeya tariye parçe parçe keno… O roze nika gam u gam bena nejdi. Tena bi dewlete hefye honda goyn, hefye koyan, hefye masan, hefye birri, hefye ziyaran, yani hefye hard u asmene saristanene ma yeno girewtis…