Herêma Kurdîstanî de hûmara însanan ke bi sklerozo multîpl ra nêweş ê, bena zêde. Raporan ra gore nika 500 nêweşî estê. Sebeb o yo ke kêmasîya doktoran esta.
Sklerozo multîpl (SM) nêweşîya sîstemê sînîran a ke mezg û muraya mîyanî rê zeraro giran dana. Bitaybetî cêncî benê qurbanê nêweşîye ke bi sîmptomananê cîya-cîyayan xo bellî kena.
Goreyê xebera Basnewsî ra, Herêma Kurdîstanî de hûmara nêweşanê SM hîna bena zêde. No taw dorê 500 nêweşî estê. SM Kurdîstanê Başûrî de zaf çîp vila bî û seba ke zanayîşê şarî pê tay o, xeylê reyan eşkera nêame dîyene. Yewna problem kî o yo ke Herêma Kurdîstanî de kêmasîya doktoranê pisporan esta ke besebikerê tedawîya SM bidê.
