Anketê organîzasyonê cigêrayîşî yê Tirkîya SETA ra gore zafêrîya şarê tirkî hîna fikranê nasyonalîstî dima şono, zafane şaranê xerîban ra henî hes nêkeno, wa tena xo razî yo.
No anket ra gore 33 % yê şarê tirkî ereban ra hes nêkeno, 47 % ra gore merdimê (mordemê) erebî zaf qayîtê keyfê xo kenê.
65% yê tirkan amerîkayijan ra û 35% ewropayijan ra kî hes nêkenê. Persa armenîyan ser o hetta 74% endamê anketî vanê ke ê naye ser o wayîrê qenaetêde negatîf ê. Nêzdîyê 40 % vanê ke îranijî qayîlê xo nêşonê. La heto bîn ra kî hîsê antîzemtîzmî werteyê beşdaranê anketî de bîyê: 71% şarê yahudîyan ra hes nêkeno, tena 8% no anket de da zanayene ke sempatîya înan bi yahudîyan esta. Çîyo ke yeno dîyene o yo ke kokiman ra zêde cêncan mîyan de antîpatîyade giran duştê yahudîyan de esta.
Aye ra kî dot mabênê cîranê xo Yunanîstanî kî hîna hende rind nîyo. Anket de 67 % da zanayene ke yunanan ra hes nêkenê, sirf 12 % fikrê posîfîtî yunanan ser o vanê. Urisan ser o kî qenaetêde negatîf esto: 52 % va, urisî antîpatîk ê, tena 13 % ra gore urisî şarêde sempatîk o.
Nê tirkan ra gore gerek Tirkîta dest bido welatanê jê Komara Tirkîya (31%), welatanê îslamî (26%), Yewîya Ewropa (23%) û DYA (11%). Welatê Rûsya no made de cayo peyên de ame.
