Tarîyê şewe
sey marê korî ancîyeno virana şaristanî
Şaristano serdin
Şaristano qilêrin
û sixletîye…
Sixletîya ke bêvengîya ma rê dişmen a
Sixletîya ke bêvinetiş ma xo de tehnena…

Nê şaristanê serdin û qilêrinî de sînorê zimistanê ma çin o
Asmênê ma yo kewe bi hewranê sîyayan bîyo qilêrin
Û porê to yê derg û mûnayinî de boya domanîye
Pistanê mi de zerrîweşîya nêmcete
Eynikan de xemgînîya rîyê ma…

Ma kamcîn estanika qedexe ya kane ra mendîme
Rindekîya kamcîn adirî manika ma rê bîye nan û pawer
Pukê kamcîn koyî wina ma fîştîme xo ver
û bi dejê kamcîn sêhrî alozê na gilêndika sîyaye de ma xeneqitîme…

Ez nika bi kamcîn çekuyan nê birînanê ma yê xorînan weş bikera
Û ez nika nê şaristanê qilêrinî û sixletîya hare de senî to bêvengîya xo de wedara.